امتى يقدروا يكملوا حياتهم؟؟؟

اتنين مخطوبين....شئ عادي

بيحبو بعض....برده عادي

الخطوبة اتفسخت..كل شئ نصيب

كل واحد فيهم هيكمل حياته مع شخص تاني....من حقهم

بس امتى؟؟؟؟

يعني هو لو خطب مرة تانية بعد ما فسخ خطوبته باسبوع

او هي زفافها على شخص تاني كان في نفس الميعاد اللي كانت محدداه مع خطيبها الاول

وانا بتكلم عن شئ شوفته بيحصل

ساعتها الطرف التاني يسأل نفسه الحب ده كله راح فين

ومش بس مشاعره اللي اتجرحت ..كرامته كمان

بس السؤال هنا مش ان الحب كان موجود ولا لاء

انا بسأل امتى كل واحد فيهم يقدر يكمل حياته

بعد شهر..شهرين..سنة..

بجد امتى ممكن يرتبط ويحب من جديد من غير ما يجرح الطرف التاني

وخاصة ان ممكن سبب فسخ الخطوبة مش الطرفين..يعني الظروف بتحكم

او خلافات بين الاهل