الحلقه الرابعه

بعد الايام اللي فاتت اللي عدت في صراع طويل مع الظروف والحوادث وبعد مرور اسبوعين تقريبا ..حالة احمد استقرت جدا وابتدى يمشي على رجلة بشكل طبيعي ..اما مريم فتعبت جدا الايام دى والحمل ابتدى يتعبها اكتر وكل شوية تحس انها خلاص حتولد دلوقتى ...خصوصا وانها دخلت في شهرها التاسع اصعب شهور الحمل ..انتفخ جسمها جدا..ورجلها تقلت ومابقتش عارفة حتعمل اية ..اما احمد ففي الايام دى استلم شغلة الجديد وكانت اختة اللي اصغر منة ب 5 سنين هيا اللي قاعدة مع مريم في غيابة بتطبخ وبتروق البيت وبتراعى مريم في الفترة الصعبة دى ..
احمد في اول ايام شغلة واول ما استلم وظيفتة الجديدة مابقاش عارف يشتغل من كتر التفكير وطول الوقت مش عارف اية اللي ممكن يعملة ..احمد جمع كل اصحابة و زمايلة في الشغل واتفق معاهم انهم يعملوا جميعة ب10000 الاف جنية بعد ما اقنعهم انة ظروفة صعبة وانة محتاج يقبضهم الاول...وفعلا كلهم لموا من بعض لحد ماجمعوا المبلغ دة وفرح جدا ساعتها بس محدش عارف هوة محتاج الفلوس دى في اية...
بعد ما روح احمد البيت دخل اوضة النوم اللي فيها مريم وكانت اختة شيماء جنبها قعدين ع السرير بيتفرجوا ع التلفزيون ..احمد ساعتها غمز لاختة علشان تمشي وتسيبهم لوحدهم بس اختة كانت قاطعة علية جدا بس زقها بالعافية ...ساعتها احمد حري وقعد جنب مراتة وقالها :لو قلتلك انى بحب اشوفك وانتى تعبانة وزى القمر كدة حتصدقينى...؟؟
مريم: ياسلام
احمد: اة طبعا شكلك بيبقي حلو كدة وانتى مبهدلة كدة بحس ساعتها انى نفسي اعمل اي حاجة علشانك
مريم: وحشنى حضنك اوى يا احمد
احمد: لو حضنى حيسعدك فانا مستعد ابقي في حضنك طول الوقت
مريم: يااة يا احمد انت اكتر حد في الدنيا دى حنين عليا
احمد:وهوة بكل همس ...بحبكيا اغلي حاجة عندى
احمد وهوة في حضنها: عارفة يا مريم طول ما انا في الشغل بقعد اسرح فيكى وببقي عاوز اخلص بسرعة واجى اشوف احلى قمر في الدنيا الانسانة اللي بحبها وام بنتى اللي جاية في السكة واغلى حاجة عندى
مريم: يااة انا غالية عندك اوى كدة
احمد: واكتر من كدة كمان انا دايما بقول ان جوازى منك كان من رضي ربنا عليا بجد
مريم:وانا كمان يا احمد ماتتصورش بحبك قد اية لانك كل يوم بتفاجئنى بحنيتك وبكلامك وبمعاملتك واحترامك ليا
احمد: انا طول عمري بتاع المفاجئات ممكن تغمضي عينيكى
مريم غمضت عنيها وبعدها فتحت لقت احمد ماسك علبة شيك جدا
وقالها افتحيها...وبعد مافتحتها مريم بصت لاقت تشكيلة جامدة جدا من الدهب اسورة وسلسلة وغويشتين اية كل دة يا احمد ...مش حرام عليك جبتهم منين؟؟؟؟ كانت بتقول الكلام دة بغضب
احمد: عملت جمعية يا حبيبتى واول حاجة فكرت فيها انى اعوضك ..اعوض مراتى حبيبتى عن اللي حصل دة وعلشان انتى اغلى حاجة عندى جبتلك الحاجة دى ويارب تعجبك انتى ..
مريم : حلوين جدا يا احمد ربنا مايحرمنيش منك بس دول غاليين اوى
احمد: مفيش حاجة تغلي عليكى ياروح قلبي وبعدين انتى اللي خلتيهم حلوين لما لبستيهم ولمسوا احلى ايد واجمل واحن مريم في الدنيا ..كان بيقولها كدة وهوة بيبوس راسها وقرب منها اوى وقالها .. ياتري بقي ناوية امتى تجيبلنا ولية العهد
مريم قالت في تعب:انا تعبت والله يا احمد من الحمل دة حاسة انى خلاص حموت
احمد وهوة بيحاول انة يهون عليها: معلش يا مريم مانتى لو ماحسيتش بالعذاب دة مش حتحسي بغلو بنتك عليكى
يعنى لو كان الحمل دة عبارة عن انك تتعبي يوم واحد تروحى الدكتور يكتبلك على دوا تاخدية تنامى تصحي تلاقي بنتنا نزلت جنبك وانتى نايمة كنتى زمانك قلتى لا مش عاوزاها انا عاوزة بنت بيضة شوية .. بس ربنا يا مريم كان لية حكمة انة بنتنا تنمو وتكبر جواكى 9 شهور يوم بعد يوم بتشاركك النفس والطعم والنبض والنوم ومستقرة جنب قلبك علشان تبقي اغلى عندك من نفسك ومن عنيكى اللي بتشوفي بيها زى مانتى غالية عندى كدة وبشاركك كل حاجة بردو
مريم : يااة يا احمد كان وحشنى كلامك الجميل دة ودلعك دة
احمد: وهوة انا يعنى لو مكنتش حدلع مراتى اللي واقفت جنبي وساعدتنى ومال حدلع مين ..
مريم : طيب يا سيدى قولي بقي انت لية بعتلي اختك النهاردة مع انى بردو بعرف اقوم على حيلي وبعمل كل حاجة
احمد من هنا ورايح شيماء اختى حتبقي موجودة طول النهار هنا لحد ماتقومى بالسلامة حتاخد بالها منك وتراعيكى وماتقوليش نص كلمة هيا فاضية مابتعملش حاجة وبتفرح اوى لما بتسلوا بعض...
--------------------------